ಸಂತಸದ ಸಂತೆ

ಚಿತ್ರ ಕೃಪೆ : ಗೂಗಲ್

ಒಂದಿನ ನಾನು ಪೇಟೆಗೆ ಹೋದೆನು
ಸಂತೆಯು ನಡೆದಿತ್ತು
ಹೂವಿನ ಅಂಗಡಿ ಎದುರಿಗೆ ನಿಲ್ಲಲು
ವಾಸನೆ ಬಡಿದಿತ್ತು
ಘಮಘಮ ವಾಸನೆ ಬರುತ್ತಿತ್ತು.

ಬಣ್ಣವು ತಿರುಗಿದ ಮಾವಿನ ಹಣ್ಣಿನ
ರಾಶಿಯು ಬಿದ್ದಿತ್ತು
ಚಣ್ಣದ ಜೇಬಿಗೆ ಕೈಯನು ತುರುಕಿದೆ
ಝಣಝಣ ಎನುತ್ತಿತ್ತು
ಬಾಯೊಳು ತನನನ ಹಾಡಿತ್ತು.

ನೋಡುತ ಮುಂದಕೆ ಹೋದೆನು ನಾನು
ಜಿಲೇಬಿ ನಗುತಿತ್ತು
ದಳೇದ ಉಂಡಿ ಗಡಾದ ಅಂಟು
ಮನವನು ಸೆಳೆದಿತ್ತು
ನನ್ನನು ನಿಲ್ಲಿಸಿ ಬಿಟ್ಟಿತ್ತು.

ಕರಿದವಲಕ್ಕಿ ಹುರಿದಾ ಕಡಲೆ
ಎಲ್ಲಾ ನರೆದಿತ್ತು
ಉಬ್ಬಿದ ಪೂರಿ ಬಿಸಿಬಿಸಿ ಬಾಜಿ
ಬಾ ಬಾ ಎನುತಿತ್ತು
ಬಾಯೊಳು ನೀರೇ ಸುರಿದಿತ್ತು..

ವಿದ್ಯಾರ್ಥಿ ಕಿರುಪರಿಚಯ
	ಕುಮಾರಿ. ವರ್ಷ 5ನೇ ತರಗತಿ ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆ, ಇಟಕದಿಬ್ಬನ ಹಳ್ಳಿ, ಮಧುಗಿರಿ ತಾಲ್ಲೂಕು, ತುಮಕೂರು ಜಿಲ್ಲೆ. Blog  |  Facebook  |  Twitter