ಜಾನಪದ ಗೀತೆ

ಬಂಗಾರ ಬಳೆತೊಟ್ಟು ಬೈಬ್ಯಾಡ ಬಡವರನ
ಬಂಗಾರ ನಿನಗೆ ಸ್ಥಿರವಲ್ಲ | ಮಧ್ಯಾಹ್ನದ
ಬಿಸಿಲು ಹೊಳ್ಳೋದು ತಡವಲ್ಲ

ಬಡತನ ಬಂದಾರ ಬಡಿಬ್ಯಾಡ ಬಾಲರನ
ಆಡ್ಯಾಡಿ ಬಂದು ತೊಡಿಮ್ಯಾಲ | ಆಡಿದರ
ಬಡತನವೆಲ್ಲ ಬಯಲಾಗ

ಉತ್ತಮರ ಗೆಳೆತನ ಪುತ್ಥಳಿ ಬಂಗಾರ
ಮತ್ತೆ ಹೀನರ ಗೆಳೆತನ | ಮಾಡಿದರ
ಹಿತ್ತಾಳೆಗಿಂತ ಬಲುಹೀನ

ಇದ್ದರ ಇರಬೇಕು ಬುದ್ಧಿವಂತರ ನೆರೆಯ
ಖದ್ದರಗೇಡಿ ಇರಬೇಕು ಕುಲಗೇಡಿ | ನೆರೆಯಿದ್ದು
ಇದ್ದಟ್ಟು ಬುದ್ಧಿ ಕಳಕೊಂಡ

ಮಂದಿ ಮಕ್ಕಳೊಳಗ ಒಂದಾಗೊಂದಿರಬೇಕ
ನಂದೀಯ ಶಿವನ ದಯದಿಂದ | ಹೋದಾಗ
ಮಂದಿ ಬಾಯಾಗ ಇರಬೇಕ

ವಿದ್ಯಾರ್ಥಿ ಕಿರುಪರಿಚಯ
	ಅಮೃತ, ಹೆಚ್. ಎ. 6ನೇ ತರಗತಿ ಜ್ಯೋತಿ ವಿದ್ಯಾಲಯ ಶಿಕ್ಷಣ ಸಂಸ್ಥೆ, ಹೆಸರಘಟ್ಟ, ಬೆಂಗಳೂರು ಉತ್ತರ ತಾಲ್ಲೂಕು, ಬೆಂಗಳೂರು ನಗರ ಜಿಲ್ಲೆ. Blog  |  Facebook  |  Twitter